O’zapft is – des Taufkirchner Volksfest

O’zapft is – des Taufkirchner Volksfest

„O’zapfd“ is, hots a des Jahr ghoasen. Damit hats Voike wiar oiwei ofizioi begunna. S’Taufkirchner Voiksfest hot in zwischn 58 Jahr auf um Buckl und is für vui s‘ Highlight des Jahrs! Nebam Essen und Dringa is a desmoi a wiada für an gscheidn Adrenalinschub gsorgt. Egal, ob für de Gloana s‘ Kindakarussell oder für die Gressan s ‚Himmalaya oda da Autoscooter. Wem des oiwai no z’langweileg is, ku natürlich a Tropical Trip fahrn.

Wer’s traditional mog und Blasmusi gern im Hintergrund hod, der is am besten im Festzeut aufghom. Da griagst ois vom Bier bis zum Schweinsbron und zur spädan Stund sorgn de Partybands für a gscheide Stimmung!

Wer gern amoi a Glasal Wein und an Flammkuacha isst, fühlt se wahrscheinlich im Weinzoit am wohlsten! Des Weinzoit is vom Kulinaria, meiner Meinung nach ein qualitativ sehr hochwertigs Restaurant in Taufkirchen und de Qualität schmeckst ah am Voike!

Mei persönlicher Liebling is d’Weißbierhüttn! De Weißbierhüttn wird vo da Familie Wegmann gschmißen, da s in Taufkirchen ziemlich vui Wegmann gibt und ma se da leicht verduad,  is no wichtig zum sang, des des da Bertl, d’Uta, da Hans so wia de Kinder vo Uta und Bertl Ellena und Anian machan. In der Weißbierhüttn gibt’s neba de verschiedenen Biervarianten a Ochsenfleisch vom eigenen Hof, zum Beispiel als Burger oder Ochsenfetzn! Wen’s interessiert, wo sei Essen her kimt, dem rat i, dass a se an Burger oder so gönnt und beim nächsten Moi wenn a von Taufkirchen Richtung Erding fahrt, kurz an Blick auf de Weidn wirft, wo de Ochsen lafan!

Vui Spaß am Voike und vielleicht segts ihr mi moi ohne es zum wissen. Pfia God und bis zum nächsten Moi!

 

Fotoquelle: https://pixabay.com/de/tracht-hut-tradition-bayern-3524657/

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.